Masdan mo ang ganda ng kapaligiran
Likha ng Dios sa atin inilaaan
Sa pagmamahal niyang di matatawaran
Mapalad yaring taong naging dahilan
Sa lahat ng nilikha diyatat tayo’y espesyal
Inihulma ang hugis kaparis ng Maykapal
Nagpasyang gawin ang bagay na parang sugal
Natupad ang lahat dahil sa wagas na pagmamahal
Pagmamahal na dakila ang siyang dahilan
Hinugis ang paligid para sa ating kapakanan
Parang isang paraiso hangad ng tanan
Ginhawa ang dulot sa araw araw na kalagayan
Subalit ano ang ginawa mo, ikaw na hangal
Hindi mo pinahalagahan kanyang pagmamahal
Ganda ng mundong inialay ay di nagtagal
Ganti ng kalikasan ramdam nating sumasakal
May magagawa pa kung ating pagtitiyagaan
Kung ating paiiralin ang mabuting kalooban
Hawak bisig tayong baguhin ang kapalaran
Pananalig sa Lumikha ang itatak sa isipan.
