Pagtilaok ng manok , mata niya’y mulat na
Kailangang gampanan tungkulin sa pamilya
Magluluto maglilinis , madaliang maglalaba
Di na mag – aalmusal umabot lang sa eskwela
Sa paaralan maaga pa’y naroon na
Maghahanda ng tsart at gawain sa pisara
Pagdating ng bata ,lahat ay ayos na
Pati araling ibabahagi nya
Pagkain sa tanghali , sya’y nagmamadali
Gawain para bukas kailangang mayari
Pagtunog ng bell sarili’y aayusin
Ituturo naman panghapong aralin
Sa oras ng uwian sya’y maiiwan
Mga batang di nakaunawa , kanya pang tuturuan
Hahasain sa pagbasa , pagbilang at pantigan
Upang sa klase kaya niyang makipagsabayan
Pag-uwi sa bahay pagod na katawan
Bahagyang ipapahing habang pinag-iisipan
Ihahandang pagkain para sa hapunan
Nang sariling pamilya , kanya naming mapaglingkuran
By: Ms. Rosario T. Rodrigo | Teacher III
